الموضوع مش بسيط !!!

الموضوع خطير جدااااا
وياريت نقراه بتركيز ونفكر فيه كويس

انت عارف يعني ايه مش بتصلي يعني قطعت الصلة اللي بينك وبين ربنا

الموضوع مش بسيط

علي العموم تعالي مع بعض نحاول نعرف انت ليه مش بتصلي

1- هل تقدر تعيش من غير ربنا؟!!

صعب - مستحيل - مش ممكن

2- ولا محبتك ليه قلت؟؟؟

وان كانت قلت فعلا طب ليه؟ العيب فيك ولا فيه؟(حاشا يارب)

3- طب يمكن مش حاسس ان الصلاه ليها فايدة؟؟؟

يعني بمعني اصح مش شايف مصلحة شخصية من ورا الصلاة
وبكده ياحلو يبقي علاقتك بربنا علاقة مصلحة مش علاقة حب.

4- ولا يمكن تقول عشان ماعودتش نفسك علي الصلاة؟؟؟

بالرغم انك بتقدر تجبر نفسك انها تتعود علي عادات تانية كتيييييييير

5- واخر حاجة ممكن تقولها انك مش لاقي وقت تصلي!!!!

وانت بتقضي وقت كبير في حاجات ملهاش لازمة او حاجات اقل اهمية من الصلاة
(وكفاية الوقت اللي بتاخده قدام الكمبيوتر)
ثانيا هي الصلاة يعني هتاخد ايه؟

ومن كل ماسبق ينتج ان:-

انت مش بتصلي عشان محبتك لربنا قلت وده كان لازم يحصل
وعلي رأي المثل البعد يولد الجفاء
يعني هاتحب ربنا ازاي وانت بعيد عنه ومفيش علاقة تربطك بيه؟
هاتشوف ربنا ازاي وانت قصير والجموع حواليه؟

طب والحل ايه؟؟؟

الحل انك لازم توجد علاقة بينك وبين ربنا
لازم تتسلق الجميزة زي زكا عشان تشوفه وهو وسط الجموع
واول ماهاتطلع وتشوفه هو كمان هايشوفك مش كده وبس ده كمان هيمكث عندك في بيتك وفي قلبك وفي حياتك.
ياريت كلنا نصلي الصلاة هي اللي هاتوصلنا وتعلينا وتقرب يسوع لينا.