رسالة من يسوع إليك ياريت تقراها

ليه مخاصمنى .....





ابنى الحبيب مش هينفع خالص نفضل بعيد عن بعض كده أنا حاسس انك مخاصمنى أصل انا كل يوم بستناك



تحكى معايا و انت مش بتيجى فقلت اجيلك النهاردة أحكى معاك .... كلامك معايا هو لذه بالنسبه ليا أنا صديقك



و عاوزك انت كمان تكون صديقى ..... خدنى معاك فى كل خطوة .





أنت لسه زعلان منى علشان محققتلكش اللى طلبته منى ؟! صدقنى هتعرف بعدين فى السما هبقى احكيلك على



كل حاجة .



فاكر اليوم اللى كنت مضايق فيه جداً بسبب ...... أنا كمان كنت مضايق جداً يومها .... أنا بضايق لما حبيبى



بيضايق .



و فاكر اليوم اللى بكيت فيه بسبب .... أنا كمان عينى دمعت أول ما انت بكيت و ايدى كانت تحت عينك تلقط



كل دمعة نزلت ....دموعك دى جواهر ثمينة عندى .



أنا عارف انك اوقات كتير بتحس انك لوحدك و محدش فاهمك ..... لكن وقتها انا مبستحملش اشوفك وحيد



فبجرى اقعد جنبك لكن انت مش بتاخد لبالك و صدقنى ببقى فاهمك و حاسس بيك لأبعد ما تتخيل



فاكر وقت التجرية ..... اللى مريت بيها ......





أنا عارف ان لما كنت بتصليلى كنت فاكرنى مش سامعك لكن فى الحقيقة انا مكنتش معاك من اول التجربة بس



دا انا من قبل ما تبدا التجربة انا كنت معاك و بجهزلك الحل .... صدقنى انا دايما سامعك حتى الكلام اللى مش



بتقوله انا بسمعه ....





انت قلقان على مستقبلك .... ؟



هسالك سؤال ... هو انت اللى كنت دبرت حياتك اللى فاتت ولا انا ؟ .... خلاص سيبنى انا ادبر مستقبلك ....



متقلقش انا هكون معاك لو حصلت اضطرابات فى حياتك متقلقش انا عارفها .... إذا طنت انا بهتم بالعصافير



كعقولة مش ههتم بيك ....



انا مش ناسى الايام الجميلة امتى كنت قاعد تسمع كلمتى .... كان شكلك جميل قوى ... عمرى ما هنسى اى



اى يوم كنت فيه فى كنيستى .... عمرى ما هنسى اى ذره تعب قدمتها علشانى حتى لو انت كنت شايف عملك



صغير انا شايفة كبير جدا .... لانك كنت بتتعب علشان انا بفرخ بأى خطوة انت تخطوها ناحيتى حتى لو كانت



مجرد زيارة كنيسة او سماع ترنيمة او قراءة قول احد القديسين فمن فضلك متهملش اى اشتياق فى قلبك من



ناحيتى لكن حوله لفعل و لو صغير هيكبر بالتدريج ....





أنا عارف انك مكسوف تيجى تكلمنى علشان الخطية اللى كل ما بتوب عنها بتقع فيها تانى لكن فكر فى نفسك



شوية انك ابنى و انى مستعد اسامحك عن كل حاجة لما تيجى لحضنى اللى مستنى فى كل لحظة ....



انت مش عارف انا بحبك قد ايه .... أنت غالى عليا قوى انا بحبك اكتر من حبك لنفسك و نفسى امتعك بحبى ...



على فكرة لو انت عايز ممكن نبدء السنه من هنا .... أنا نفسى نبدء بداية بس انت اللى توافق و هنتفق على



شوية حاجات :



· كل ما تحس انك تعبان و مضايق تعالى و احكى معايا هتلاقينى مستنيك فى مخدعك .



· هنستحمل شوية تعب صغيرين على الارض بس متقلقش كل التعب اللى الارض ولا حاجة بالنسبة



للمكان الرائع اللى انا مجهزهولك فى السما .



· كل ما تقع تقوم من تانى و اوعى تيأس مكانك عندى .



· اخر حاجة بقى ............. متخاصمنيش تانى .



و دلوقتى طالما اتصالحنا ممكن اقعد جنبك النهاردة و انت نايم ؟





اذكرونى ف صلواتكم

جميلة جداااااااااااااااااااااااااااااااااااااااااااااااااااااااااااااااااااااااااااااااااااااااااااا
ربنا يعوضك ياتوتا

ميرسى يا ماران لزوقك يا قمر

ربنا يباركك

ميرسى لمروركم و زوقكم

بجد نورتوا الموضوع

ربنا يعوضكم خير و اذكرونى ف صلواتكم

ميرسى يا مستر لمرورك

نورت الموضوع

ميرسى

العفــــــــــــــــــــــــــــــــــــــ ـــــــــــــــــــــو