السالكين حسب الروح

+++(( السالكين حسب الروح ))+++

**************************************

++ عظة لقدس أبونا : يوحنا فايز بتاريخ : 5 - 1 - 1991
.................................................. ..........................................

+++ نقرأ معا بنعمة المسيح و أرشاد الروح القدس آيات من الرسالة الى رومية ::


(( لا شئ من الدينونة الآن على الذين هم فى المسيح يسوع ..... لأن الذين ينقادون بروح الله

فأولئك هم أبناء الله )) ( رو 8 : ا ،8 : 14) .


+++ الأنسان الروحى :: يسلك حسب الروح .... حسب أرشاد الروح القدس الذى يقوده .

+++ الأنسان الروحى :: لا يسلك حسب الجسد .... لا يعيش حياته حسب رغبات و شهوات

الجسد .


÷÷÷÷ و الأنسان الروحى اللى عايش حسب الروح :: يكون مقبول أمام الله .

لكن اللى عايش حسب الجسد و شهواته :: يقع تحت الدينونة .


(( لا شئ من الدينونة الآن على على الذين هم فى المسيح .... السالكين ليس حسب الجسد

بل حسب الروح )) رو 8 : 1


+++ أذا :: لا شئ من الدينونة على السالكين حسب الروح ..... طيب و السالكين حسب الجسد؟

تقع عليهم الدينونة .


××× غالبية الناس ::
..............................
تهتم بالجسد أهتمام كبير .... أكثر من الاهتمام بالروح .... كل ما يخص الجسد يهتموا به

الأكل .... و الشرب ... و اللبس ... و الزينة ... و الراحة .

++ أذا مرض الجسد ::يعرضوه على الدكاترة المتخصصين ...... و اذا تعب ::يعرضوه على المرشدين

الجسديين ...... حتى اللى ينقص من التغذية الطبيعية فى الأكل .... يكملوه بالأدوية و

الفيتامينات .

++ و اذا الجسد أصابه الملل من الشغل :: يهتموا بالترفيه عنه ..... و يهتموا بزينة الجسد ....

و يكرسوا كل جهدهم علشان يحققوا رغبات هذا الجسد .... و شهواته .... و كل ملذاته ....

حتى لو تعارض ذلك مع ( نقاوة أرواحهم ) و ينسوا كلام ربنا اللى قرأناه مع بعض ::


(( أهتمام الجسد هو موت .... و لكن أهتمام الروح هو حياة وسلام .... أهتمام الجسد هو

عداوة لله .... فالذين هم فى الجسد لا يستطيعون أن يرضوا الله )) رو 8 : 6 - 8


*** لذلك هؤلاء الناس نسميهم : ( جسدانببن )

× × و الجسدانيين : لا يستطيعوا أن يرثوا ملكوت الله ....... لأن ملكوت الله هو ( ملكوت روحى )

يعيش فيه بس الروحيين ..... السالكين حسب الروح .


++++ لما القديس ( يوحنا الحبيب ) أتكلم عن محبة العالم التى هى عداوة لله قال ::

(( لأن كل ما فى العالم شهوة الجسد .... و شهوة العين ..... و تعظم المعيشة )) .


### فنلاقى أول شئ أتكلم عنه و ذكره هو :: (( شهوة الجسد )) .

( فشهوة الجسد ...... و شهوة العين ...... و تعظم المعيشة )

هم ثلاثة حاجات تعتبر :: ( عداوة لله ) . و أولها شهوة الجسد .



%%%% هنا نجد سؤال يفرض نفسه :::

(( هل الجسد اذا خطية )) ؟؟؟؟؟؟؟؟؟؟؟

طبعا ................. لأ

+++ الجسد ..... ليس خطية و ليس شر .


+++ أذا كان الجسد خطية ::
,,,,,,,,,,,,,,,,,,,,,,,,,,,,,,,,,,,,,,,,,

** ما كنش ربنا خلقه .

** و ما كانش ربنا يسوع أخذ جسدا بشريا .

** و ما كناش نكرم أجساد القديسين .


+++ (( الجسد مش خطية أبدا ..... ))

++ الجسد شئ مقدس ...... نزل فى جرن المعمودية ..... و أصبح طبيعة جديدة ...... و مسح

بزيت الميرون المقدس فى سر المسحة المقدسة ........و أصبح الجسد ( هيكلا للرب ) .


+++ و كفاية أن الوحى المقدس يقول ::

(( أن جسدكم هو هيكل الروح القدس )) و (( أن أجسادكم هى أعضاء المسيح ))1كو6 : 19 ، 15


÷÷÷ فاذا كان جسدنا هكذا ....... فهو ليس شرا و لا خطية على الاطلاق .

هى دى النظرة السليمة للجسد .

÷÷÷ احنا كمسيحيين أرثوزكس .... نحترم الجسد .... و ننظر له فى وقار ..... سواء كان هذا الجسد

جسدنا نحن أم جسد آخر ......(( نحترمه )) و أحنا واضعين أمامنا الوحى الألهى ::

(( من يفسد هيكل الله فيفسده الله ))1كو : 3 _ 17

(( فمجدوا الله فى أجسادكم و فى أرواحكم التى هى لله )) 1 كو 6 : 20 .


××× أذا ..... يمكن لأى حد فينا أنه يمجد الله فى جسده .

(( طيب .... أزاى !!!!!! ))


++ الجسد يشترك مع الروح فى عبادة الله .
.................................................. ............

** الروح تصلى ..... و الجسد يقف ... و يركع .... و يسجد ... و يرفع ايديه لفوق .

** الروح تناجى الرب يسوع .... و الجسد يصوم ... و يبارك الله فى المطانيات ... و يتعب فى

الخدمة .....

+++ أذا احنا أحترمنا الجسد بهذه الطريقة ...... يبقى من الصعب علينا اننا نهينه أو ندنسه

سواء فى أنفسنا أو فى الآخريين .


++++ نحترم الجسد لغاية ما نوصل لدرجة أننا نعتبره ( كنيسة صغيرة ) .

كل نفس بتحترم جسدها ... بتعتبره كنيسة صغيرة .... مقدسة ..... و مدشنة بالميرون

كنيسة يسكنها روح الله ...... و المفروض الكنيسة دى يخرج منها ::

( تسابيح .... و صلوات ..... و ترانيم ..... و مزامير ..... و أغانى روحية ) ( أف 5 : 19 )


*** هى دى النظرة الروحية للجسد .... فاذا أستخدمنا الجسد بهذه الطريقة ...... فهو ليس

شر و ليس خطية ..... لكن سيصبح شيئا مقدسا .

بالضبط زى جسد آدم و حواء قبل الخطية ...... و زى أجساد الأبرار فى القيامة العامة .


+++ يبقى السؤال المهم هنا :::

+++ أزاى أحتفظ بقداسة جسدى ؟؟؟؟

"""""""""""""""""""""""""""""""""""""""""""""""""" """""""""""""

++ نحتفظ بقداسة جسدى ..... لما يكون الجسد خاضع لقيادة الروح ..... مش العكس

يعنى الجسد يكون عايش حسب الروح .

++++ تعالوا مع بعض نعرف ازاى الجسد يكون عايش حسب الروح ::


(( 1 )) أقدم جسدى ذبيحة حيه للرب يسوع
.................................................. .............

( فى رو 12 : 1 - 2 ) ::

(( أطلب أليكم أيها الأخوة برأفة الله أن تقدموا أجسادكم ذبيحة حية مقدسة .... لا تشاكلوا هذا

الدهر )) .

++ أذا أجسادنا ممكن تكون ذبيحة حية مقدسة نقدمها للرب يسوع ..... لكن اذا كان الجسد

بيقاوم الروح و لا يخضع لها ....... يبقى الأنسان يقع فى صراع داخلى بين ( الروح و الجسد )

و الوحى الالهى يقولنا فى ( غل 5 : 17 ) ::

(( أن الجسد يشتهى ضد الروح ..... و الروح تشتهى ضد الجسد .... هذان يقاوم أحدهما الآخر))

+++ صراع داخل الأنسان بين جسده و روحه ..... و اللى ينتصر يبقى هو .... الريس .


**** أذا أنتصر الجسد :: يعيش الأنسان جسدانى و شهوانى .

**** و أذا أنتصر الروح :: يبقى الأنسان روحانى .


××× لكن عايز أقولكم :: أن أجساد القديسين مش كده ...... أجساد أولاد ربنا مش كده .....

ما فيهاش صراع ..... لأن أجسادهم بتشترك مع أرواحهم فى العمل الروحى .... و تبذل

ذاتها ..... لذلك الله يكافئ الجسد :: ( بأن يجعله يتنعم مع الروح فى الملكوت ) .


÷÷÷÷ يبقى أول حاجة أعملها علشان أحتفظ بقداسة جسدى ::
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,

++ ( أنى أقدم جسدى ذبيحة حية للرب يسوع ) ++

++ ذبيحة الجسد :: يعنى بذل الجسد .... و بذل الذات فى العمل الروحى .

++ يعنى أضحى( براحتى .... و حياتى .... و مالى .. ) علشان الخدمة .... و علشان عمل

الرحمة .... و علشان الرب يسوع ......


(( 2 )) أقمع جسدى و أستعبده
............................................

فى ( 1 كو 9 : 27 ) ::

(( أقمع جسدى و أستعبده حتى بعدما كرزت للآخريين .... لا أصير أنا نفسى مرفوضا )) .

++ قمع الجسد و أستعباده ...... يعنى أخللى الجسد خاضع للروح .

++ يعنى ما أسبش الحبل للجسد على كيفه .

++ يعنى ما أطاوعش كل شهواته .


×××× فيه ناس كتير ( مدلعيين أجسادهم ) ...... كل ما الجسد يكون نفسه فى حاجة .....

على طول ينفذوها .

+ لذلك تلاقى هذا الجسد ما يقدرش يصوم .... و لا يصلى .... و لا يسهر......

++ تلاقى الجسد مش قادر يصحى بدرى علشان يحضر الكنيسة من أولها .......

+++ تلاقى هذا الجسد يادوب يلحق آخر القداس بالعافية .....


×××× و زى ما قولنا ( الجسد مش خطية ) لكن الخطية هى شهوات الجسد .......

أبونا آدم و أمنا حواء سقطوا بسبب شهوة الجسد ....... و من يومها بدأ أنحراف الجسد .

و بدأ الجسد يشتهى كل ما هو مادى و جسدانى ......


÷÷÷÷ لذلك فى ( رو 8 : 13 ) :: فيه تحذير لكل نفس ::

(( ان عشتم حسب الجسد فستموتون ..... و لكن ان كنتم بالروح تميتون أعمال الجسد

فستحيون ))

++ لذلك لما نصلى ( صلاة الساعة التاسعة ) من صلوات الأجبية نطلب من الرب يسوع و نقول ::

(( أمت حواسنا الجسدانية )) . لأن حواس الجسد هى المسؤلة عن الشهوات .......

فلو ماتت حواس الجسد ماتت الشهوات ...... و لا تتحرك داخل القلب ...... و تتحول الى حواس

روحية .... تتحرك بمحبة الله .


+++ ( و نستكمل بنعمة ربنا فى الجزء الثانى من العظة باقى الأسس التى نسير عليها

لنحتفظ بقداسة الجسد ) ++