نوكت على المشرفين فى المنتديات

1 - خطيبة مشرف كل ماتتصل تطلعلها رسالة مسجلة - السرفر مشغول حالياً ، حاول فى وقت آخر .

2 - مشرف شغال فى المرور كل مايشوف عربية مخالفة يديها تقييم سالب .

3 - مشرف كتب كتابه فى موضوع وعمل الحفلة فى قاعة التهانى والمناسبات ووزع على المعازيم تقييمات موجبه

4 - مشرف زعلان من زوجته عملها حظر

5 - مشرف عام غطسوه تانى " من غير تريقه لو سمحتم يا حضرات "

6 - مشرفه خلفت توأم إحتفظت بواحد والتانى حطته فى قاعة المكرر

7 - مشرف جاتله فاتورة التليفون كبيرة عملها تعديل

8 - زوجة مشرف نسيت تحط الملح فى الأكل حطلها تقييم سلبى

9 - مشرف بيتغزل فى خطيبته وبيقولها إنتى موضوع عمرى ... أنتى مشاركة حياتى .. إنتى كل صلاحياتى ...

10- مشرف عايز يخطب عضوه قالها ممكن أسجل عندكم فى البيت بس ياريت والدك ما يتأخر عليا فى رسالة التفعيل

12 - مشرفه عندها حالة نفسيه كل ما تكتب موضوع تحذفه

13 - مشرف عايز يعرف حبيبته بتحبه أو لا دخل على القاعة وبدأ يحذف المواضيع واحد ورا الثاني ( بتحبنى - ما تحبني- تحبنى - ما تحبني)

14 - مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغه

15 - مشرف دخل قاعة المناقشات طلع منها بخمس غرز وإرتجاج فى المخ

17 - مشرف دخل قاعة القضايا السياسية قبضوا عليه فى مظاهره

18- مشرف إختلف مع المدير العام نقله مشرف على قاعة المواضيع المكرره

19 - مشرف عايز يطرد عضو مميز من المنتدى حط له فى أحد مواضيعه حبتين حشيش وبلغ عنه

20 - مشرفه زهقت من زوجهاعملت له ايقاف

21 - مشرفه حبت عضو علشان تتقرب منه ثبتتله موضوع عندها

22 - مشرف مارد ش على موضوع... اختفى فى ظروف غامضه .

فكرة جميلة يا حلم وعايزن نستغلها فى موضيع تانية كتير ميرسى ليك وربنا يعوضك :)

ههههههههههههههههههههه

ميرسى و ربنا يعوضك خير

» تريقة علي المشرفين